بسم الله و الصلاة و السلام على رسول الله _صلى الله عليه و سلم _ ... اما بعد :
السلام عليكم ..
انا اوجه رسالة الى زملائى فى المعهد و اقول لهم .. نظرا الى اننا فى مجموعات الفيس معرفناش اننا نساعد بعض بالقدر المطلوب ... كل واحد مننا بيحط اللى عايزه بطريقة عشوائية مما تسبب فى الصعوبة البالغة لزملائنا فى البحث و خصوصا انا عما اريد حتى اننا لجأت اننا اى حاجه عايزها او مش عايزها بسجلها على الجهاز عشان ما دوخش فى البحث عنها ... لذلك كان لابد لنا من التسهيل على انفسنا و ترتيب الأمور بطريقة افضل من كده عشان نستفيد اقصى استفادة و نتبادل خبراتنا داخل و خارج المعهد .. كمهندسين للمستقبل و نشرف البلد كلنا .... و انا طالب عادى جدا و معاكم تقريبا من اول السنة و ان شاء الله كلنا نفيد بعض كويس جدا و ميكونش المنتدى بدون اى فائدة و الموضوع سهل جدا جدا و فى كذا حاجه هتسهل علينا الموضوع و اللى هنمشى عليه كالأتى :-
اولا : هنظم ان شاء الله بالتعاون مع بعض الموضوع بحيث كلنا نستفيد اذا كان فى اوراق او شيتات او حجات قالها معيدين .. هيكون الموضوع اسرع و اهم الاخبار اللى تخصنا زى مثلا اى حاجه الدكاترة او المعيدين قالوها هتوصل لكل اللى مسجلين لأن ده موضوع بسيط و هتوصلهم على الايميل و مش مضطرين انهم دايما يخشوا ده غير ان فى صفحة للمنتدى للموبايلات زى الفيس ....
ثانيا : الموضوع فى التسجيل على المنتدى اسهل مما نتصور لان مفيش مشاكل فى التسجيل و الدخول أكونت المنتدى زى ما تحبوا تقدروا تتحكموا فيه كويس ... المنتدى كمان هيكون فى شات جماعى للدفعة كلها مع بعض اذا حبيتوا و بأذن الله يكون فى قناة يوتيوب و صفحة تويتر و فيس للمنتدى ...
ثالثا : الجروبات اللى على الفيس هتفضل زى ما هى و هنستفيد منها كلنا و المنتدى ما هو الا شئ مكمل ليها و منظم ليها ... و اى حد عنده جروب داخل فيه على الاقل اكتر من 100 مهندس هيكون ليه اكيد ان شاء الله عضوية اشراف عشان تبقى الحكاية اكتر سهولة ....
رابعا : حتى الهزار هيكون فى المنتدى ....
خامسا : هيكون فى قوانين بسيطة بالاتفاق مع زملائنا عشان ننظم الحكاية و الاهتبقى اسوء من الفيس و الرجاء الالتزام بيها عشان نستفيد ....
سادسا : المنتدى غير رسمى و لا يتبع ادارة المعهد يا جماعة و لا له اى صلة بهم ... انما انا زميل ليكم عملت المنتدى و هو بتاعى انا و اللى عايز يسجل عندى و يستفيد اهلا و سهلا و لو مش عايز هنبقى خسرنا مهندس لأننا كلنا عايزين نستفيد ... و لو فى معيدين معانا هيكون اسمه معروف و هنعملهم جروب لوحدهم على المنتدى و هيكونوا معروفين و صفحة بيانتهم فى المنتدى على صفحاتهم فى الفيس ..
سابعا : اى حد عايز اى اقتراح للمنتدى لأقسامه لأى حاجه يقول فى رد هنا و ان شاء الله زميلكم ( احنا يعنى ههههههههه ) هبنبص فيها و نتناقش فيها معاكم .... ولو فى حد مش عارف يتعامل مع المنتدى احنا معاه و الموضوع سهل جدا ......
ثامنا: الكلام ده ممكن نزود عليه فى اى وقت و مفيش حد فوق حد ... كلنا هنا عشان نساعد بعض مش أكتر .... كلنا واحد ...
اتمنى لنفسى و لكم التوفيق يا باشمهندسين
شكرا و السلام عليكم و رحمة الله و بركاته